Vetsovetson'i Mamisoa

Ity bilaogy ity dia natao ho fanandratana sy ho fitehirizina ny teny Malagasy ary koa ho fampahafantarana ny kolontsaina Malagasy. Ato no hitantarako sy hizarako izay hitako sy tsapako. Tantaraiko ato avokoa izay rehetra mahafinaritra ahy, manitikitika ahy, eny fa na ny masosotra koa aza, izany rehetra izany dia amin'ny teny vMalagasy madiodio. Ahitana sokajy samihafa ny lahatsoratra (Tononkalo, politika, fiaraha-monina...) Ny tanjona dia hivelaran'ny teny Malagasy sy hanehoana ny maha-kanto azy. Ary koa ho fifampitaizana amin'ny alalan'ny fanehoan-kevitra mba ahitana izay mahasoa ho fivelaran-tsaina sy ho fampandrosoana. Mirary antsika hazoto hamaky ary haneho hevitra ihany koa raha ilaina.Ny bilaogiko amin'ny teny frantsay sy teny anglisy (http://mammysou.blogspot.com/).

09/27,2016

Tononkalo: Anadahy

Nampidirin'i mammysou : 09:07

Anadahy mifampizara ny manta sy masaka
Rehefa iny izahay ka sendra tafaraka
Mifanohana raha sendra vaky fo
Satria izany no maha mpiray tampò.

Anadahy mahafinaritra indrindra,
Tohizo hatrany ny fahaizana mamindra
Ifikiro ny tsara, fidio ny marina
Aza miala amin'ny Tompo mba ho tafarina.


Anadahy filamatry ny fianakaviana
Mitondra tsiky sy hafaliana
Milofo hitondra izay mahasoa
Reharehan-dray aman-dreny tokoa.

 

Hevitra (0) | Verindrohy (trackback) (0) | Tononkalo


Hevitra


Hametraka hevitra

Hampiditra hevitra

E-mail me when comments occur on this article